Wednesday, June 9, 2010




 മോഹം
 
കിനാവിനുമപ്പുറത്തെന്റെ
പൊന്‍ തൂലികയില്‍ 
ആയിരമക്ഷരപൊട്ടുകള്‍   തീര്‍ത്തു നീ 
ഇന്നിന്‍റെ സിരകളെ ആകെ ത്രസിപ്പിച്ചു 
പുതിയൊരു ലോകത്തിലനവദ്യമാവുന്നോ-
രമൃതം ചൊരിഞ്ഞിങ്ങു വന്നുവെങ്കില്‍....

കാല പ്രവാഹത്തിന്‍ കാണാചുഴികളില്‍ 
പാടിപ്പതിഞ്ഞും, പിടഞ്ഞും, നമുക്കുള്ളില്‍
നാം തീര്‍ത്ത നിത്യ വാസന്ത 
മായാവനികയില്‍ 
വര്‍ണത്തില്‍ ചാലിച്ച കവിതകള്‍ 
തീര്‍ത്തുവെങ്കില്‍ ....

അന്തിക്കു  കൂടണയുമമ്മ കുരുവിതന്‍
ചുണ്ടില്‍ നിന്നിറ്റിക്കു-
മിത്തിരി തേനിന്റെ 
മധുരം നുണയുന്ന കുഞ്ഞി കിളിക്കുള്ളില്‍ 
വിരിയുന്ന രോമാഞ്ചമായ് 
മാറിയെങ്കില്‍....
 
നിറമിയലുമോര്‍മ്മകള്‍ മാത്രമാ-
ണെങ്കലിന്നതില്‍ വിരിയുമാശകള്‍
മാത്രമാണെങ്കിലും 
നോവുന്നു മാനസമന്വഹമെങ്കിലും
നീള്‍മിഴി തൂവി  തുളുമ്പുന്നുവെങ്കിലും
മോഹിച്ചിടുന്നു ഞാന്‍.....!!!!!!

1 comment:

Anonymous said...

niramiyalum oormakalum
athill viriyumashakalum
oru vela marakkolum ninte kazchayae kanneerinaal...
vediyaruthee nee ninte paal punchiri